Presidenti Thaçi ngushëllon familjen Mikullovci: Ai gjithnjë ishte në shërbim të interesit publik dhe vendit tonë

09:11 | 15 Shtator 2020
Arbresh.info

Presidenti i Kosovës, Hashim Thaçi ka ka shprehur ngushëllime pas kalimit në amshim të ish deputetit të Kuvendit të Kosovës dhe aktorit të njohur, Adem Mikullovci.

I pari i vendit ka thënë se kontributi i tij në art, kulturë dhe politikë do të kujtohet përgjithmonë, shkruan Arbresh.info.

Ky është postimi i plotë:

Sot qenka ndarë nga jeta aktori i njohur Adem Mikullovci. Edhe si aktor, edhe si delegat që votoi Deklaratën Kushtetuese më 2 korrik dhe Kushtetutën e Kaçanikut më 7 shtator 1990, por edhe si deputet i Kuvendit të Republikës së Kosovës, ai gjithnjë ishte në shërbim të interesit publik dhe vendit tonë. Kontributi i tij në art, kulturë dhe politikë do të kujtohet përgjithmonë. Ngushëllime familjes Mikullovci dhe të gjithë artdashësve, miqve dhe të afërmve të tij! HTH